Առաքել Մովսիսյանը (Շմայս) խախտել է պատգամավորի էթիկայի կանոնները. Առավոտ
«Առավոտ»-ի փոխանցմամբ՝ այսօր դռնփակ նիստում Ազգային ժողովի էթիկայի հանձնաժողովն որոշեց, որ ՀՀԿ-ական պատգամավոր Առաքել Մովսիսյանը (Շմայս) խախտել է էթիկայի կանոնները:
Խոսքը լրագրողներ Գրիշա Բալասանյանի, Աննա Եղիազարյանի, Սարգիս Խանդանյանի և Հակոբ Կարապետյանի 21.01.2014թ. N 2-63 դիմումին է վերաբերվում:
Հիշեցնենք, որ խոսքը գազային համաձայնագրերի վավերացմանը օրը Ազգային ժողովի նիստերի դահլիճում լրագրողները` Գրիշա Բալասանյանը, Աննա Եղիազարյանը, Սարգիս Խանդանյանն ու Հակոբ Կարապետյանը ցուցապաստառներով լուռ ակցիա էին կազմակերպել:
ՀՀԿ խմբակցության պատգամավոր Առաքել Մովսիսյանը (Շմայս), վիրավորական արտահայտություններ էր թույլ տվել ակցիայի մասնակիցների հասցեին: Լրագրողները էթիկայի հանձնաժողովից պահանջում էին գնահատական տալ պատգամավորի վարքագծին, քանի որ գտնում են, որ վերջինս խախտել է պատգամավորի վարքագծի կանոնները: Լրագրողներին արդեն լսել էին հանձնաժողովում:
Մանրամասներն՝ այստեղ
