Հայաստանի ԱԳՆ ղեկավար կազմն ու դեսպանները այցելել են Արցախ
Հայաստանի ԱԳ նախարար Էդվարդ Նալբանդյանը, արտգործնախարարության կենտրոնական ապարատի ղեկավար կազմն ու Հայաստանի դիվանագիտական ներկայացուցչությունների ղեկավարները մայիսի 31-ին ժամանել են Ստեփանակերտ։
Նույն օրը Հայաստանցի բարձրաստիճան դիվանագետներին ընդունել է Լեռնային Ղարաբաղի Հանրապետության Նախագահ Բակո Սահակյանը:
Արցախի ղեկավարը ներկայացրել է երկրի անվտանգության ամրապնդման, սոցիալ-տնտեսական զարգացմանն ուղղված քայլերը:
Հանդիպման մասնակիցները անդրադարձել են ադրբեջանա-ղարաբաղյան հակամարտության կարգավորման բանակցային գործընթացին։ Քննարկվել են Հայաստանի եւ Արցախի արտգործնախարարությունների, արտերկրում Հայաստանի դեսպանությունների եւ ԼՂՀ մշտական ներկայացուցչությունների միջեւ փոխգործակցության հարցեր։
Արցախի Հանրապետության Նախագահը պատասխանել է հանդիպման մասնակիցների բազմաթիվ հարցերի։
Հանդիպումից առաջ Արցախի Նախագահ Բակո Սահակյանը առանձնազրույց է ունեցել արտգործնախարար Էդվարդ Նալբանդյանի հետ։
ՀՀ ԱԳՆ մամուլի ծառայություն
