ԵԱՀԿ գործող նախագահը ժամանել է Ադրբեջան
Ադրբեջանական APA լրատվական գործակալության փոխանցմամբ՝ մեկնարկել է ԵԱՀԿ գործող նախագահ, Շվեյցարիայի արտգործնախարար ու նախագահ Դիդիե Բուրկհալտերի ադրբեջանական այցը: Բուրկհալտերն Ադրբեջան է ժամանել հունիսի 1-ին: Նրա պաշտոնական հանդիպումները կմեկնարկեն հունիսի 2-ին:
Իր այցի շրջանակներում Բուրկհալտերը հանդիպելու է Ադրբեջանի նախագահ Իլհամ Ալիևի, արտգործնախարար Էլմար Մամեդյարովի ու քաղաքացիական հասարակության ներկայացուցիչների հետ:
Ադրբեջանից հետո Բուրկհալտերը մեկնելու է Վրաստան ու Հայաստան: Բուրկհալտերի հարավկովկասյան այցն ավարտվելու է հունիսի 4-ին:
