Լուգանսկում հայտարարել են «ժողովրդական հանրապետության» ստեղծման մասին
Ռուսական РИА Новости լրատվական գործակալության փոխանցմամբ՝ երեկ Լուգանսկում անցկացված հանրահավաքի ժամանակ հայտարարվել է անկախ, ինքնիշխան «Լուգանսկի ժողովրդական հանրապետություն» ստեղծելու մասին:
Բացի այդ, հրապարակվել է այն հարցը, որը մայիսի 11-ին դրվելու է հանրաքվեի. «Աջակցո՞ւմ եք արդյոք Լուգանսկի ժողովրդական հանրապետության պետական ինքնուրույնության ակտի հռչակմանը»:
Երեկվա հանրահավաքին մասնակցել է մի քանի հարյուր մարդ, որոնք հայտարարել են, որ Կիևի կողմից ագրեսիայի դեպքում Լուգանսկը Ռուսաստանին խնդրելու է մտցնել խաղաղապահ ուժեր: Լուգանսկի մարզպետ Վալերի Բոլոտովը չի մասնակցել հանրահավաքին:
