Վրաստանի ու ՌԴ-ի նախագահների հանդիպման հարցը չի քննարկվել գործնական տեսանկյունից. Աբաշիձե

Грузия Online-ի փոխանցմամբ՝  Վրաստանի վարչապետի՝ ՌԴ-ի հետ հարաբերությունների կարգավորման գծով հատուկ ներկայացուցիչ Զուրաբ Աբաշիձեն հայտարարել է, որ պատրաստություն տարվում է Վրաստանի ու Ռուսաստանի նախագահների հանդիպման համար, սակայն հարցը չի քննարկվել գործնական տեսանկյունից:

Աբաշիձեն կառավարության նիստից առաջ հայտարարել է, որ նմանատիպ հանդիպումների նախապատրաստման համար պահանջվում է ժամանակ, քանի որ դա պետք է ավարտվի համապատասխան արդյունքի արձանագրմամբ:

Աբաշիձեն հավելել է, որ եթե պլանավորվի բարձր մակարդակով հանդիպում, ապա վրաց հասարակությունը կիրազեկվի դրա մանրամասների մասին: