Վիճաբանությունն ավարտվել էր դանակահարությամբ
Ապրիլի 13-ին, ժամը 12.25-ին, հիվանդանոցից ոստիկանության Կոտայքի բաժնում հաղորդում է ստացվել, որ «ձախ գոտկային հատվածի կտրած ծակած վերք, արտաքին արյունահոսություն» ախտորոշմամբ բուժօգնության է տեղափոխվել 1988 թ. ծնված Հրայր Գ.-ն, որը, ըստ բժշկի տեղեկանքի, ի վիճակի չի եղել հաղորդում տալու:
Ձեռնարկված օպերատիվ-հետախուզական միջոցառումների շնորհիվ պարզվել է, որ նա վնասվածքը ստացել է նույն օրը, ժամը 11.00-ի սահմաններում, Գեղաշեն գյուղի մոտ, վիճաբանության ժամանակ:
Բացատրական աշխատանքների շնորհիվ բաժին է ներկայացել 1967 թ. ծնված Լևոն Ա.-ն և խոստովանել, որ Հրայր Գ.-ին դանակով հարվածել և վնասվածքը պատճառել է ինքը, և ներկայացրել է հանցագործության գործիք դանակը:
Նշանակվել է դատաբժշկական փորձաքննություն:
Ներկայացված դանակը ուղարկվել է փորձաքննության:
Կատարվում է հետաքննություն:
ՀՀ Ոստիկանություն
