Հայաստանի տնտեսությունը կարող է աճել տարեկան 5%-ով

Այս կարծիքին են Համաշխարհային բանկի մասնագետները։ ՀԲ-ի կողմից հրապարակված «Հայաստան. ավելի շատ դինամիզմի ակնկալիքով» (Armenia: Looking for More Dynamism”) զեկույցի համաձայն՝ Հայաստանի ՀՆԱ իրական աճը այս տարի և 2015 թվականին կարող է կազմել 5%, իսկ մինչև 2017 թվականը՝ հասնել 5.5%-ի։

Մեկ շնչին բաժին ընկնող ՀՆԱ-ն, ըստ ՀԲ փորձագետների, այս տարի կկազմի 3752 դոլար, իսկ հաջորդ տարի՝4110 դոլար։

ՀՀ տնտեսության հիմնական ռիսկերը գալիս են եվրոյի գոտում շարունակվող ճգնաժամից և Ռուսաստանի տնտեսության վիճակից։ Տնտեսական աճի վրա բացասական ազդեցություն կարող է թողնել նաև մետաղների համաշխարհային գների անկումը։ Սակայն չնայած դրան՝ Հայաստանը կարող է շահել արտաքին պահանջարկի աճի արդյունքում, եթե ընդլայնի եվրոյի գոտու հետ առևտրատնտեսական կապերը։

Նշենք, որ զեկույցը պատրաստվել է այս տարի՝ Հայաստանի՝ Ռուսաստան-Բելառուս-Ղազախստան մաքսային միությանն անդակցելու որոշումից հետո։ Զեկույցում նաև հակիրճ ներկայացված են այն օգուտներն ու վնասները, որոնք Հայաստանը կարող է ունենալ Եվրասիական տնտեսական միությանն անդամակցելու արդյունքում։

Համաշխարհային բանկի զեկույցի մասին ավելի մանրամասն կարող եք կարդալ  «168 Ժամ» թերթի վաղվա համարում