Մետրոպոլիտենի աշխատակիցների գործը դատարանում է
Աշխատանից ազատված Մետրոպոլիտենի երեք աշխատակիցները հայցն ընդունվել է վարույթ: Ինչպես տեղեկանում ենք datalex դատական տեղեկատվական համակարգից, գործը մակագրվել է Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր Սիմիզար Հովսեփյանին: Դատավորն էլ առաջին դատական նիստը նշանակել է մայիսի 6-ին:
Նրանց փաստաբան Քրիստինե Գևորգյանն ավելի վաղ 168.am-ի հետ զրույցում հայտնել էր, որ իրենք դատարանից պահանջում են անվավեր ճանաչել աշխատանքից ազատման հրամանը, նրանց վերականգնել նախկին աշխատանքում և վճարել պարապուրդի ամբողջ ընթացքի գումարը:
Մետրոպոլիտենի երեք աշխատակիցները՝ Գագիկ Գալստյանը, Անդրանիկ Գևորգյանը և Սևակ Հովհաննիսյանը աշխատանքից ազատվել էին այս տարվա փետրվարին: Նրանք նշում էին, որ իրենց աշխատանքից ազատելը հնարավոր է՝ պայմանավորված է այն հանգամանքով, որ մանակցել են պարտադիր կուտակային կենսաթոշակային համակարգի դեմ կազմակերպված ակցիային:
