Մոսկվայի «Երեւան պլազա» առևտրի կենտրոնից մոտ հազար մարդ է տարհանվել
Չորեքշաբթի երեկոյան Մոսկվայի «Երեւան պլազա» առեւտրի կենտրոնից մոտ հազար մարդ է տարհանվել` պայթյունի սպառնալիքի պատճառով: Այս մասին РИА Новости գործակալությանը հայտնել են իրավապահ մարմինների աղբյուրները:
«Պայթյունի սպառնալիքի վերաբերյալ անանուն զանգ ստացվելուց հետո Բոլշայա Տուլսկայա 13 հասցեում գտնվող կենտրոնից տարհանվել է հազարից ավելի մարդ»,-հայտնել է գործակալության զրուցակիցը:
ՌԴ ՆԳՆ Մոսկվայի գլխավոր վարչությունում հաստատել են առեւտրի կենտրոնի տարհանման լուրը: Նշվում է, որ տեղակայված ռումբի մասին անանուն զանգը ստացվել է երեկոյան ժամը 20-ի սահմաններում:
