Իսակովի պողոտայում բախվել են «ՎԱԶ-2106»- ն ու «Վոլկսվագեն»-ը
Մարտի 22-ին, ժամը 20.42-ին ահազանգ է ստացվել, որ Երևանի Իսակովի պողոտայում՝ «Ֆլեշ» բենզալցակայանի մոտակայքում (Արգավանդ գյուղի խաչմերուկ), տեղի է ունեցել ՃՏՊ, առկա է գազի արտահոսք, տուժածներ չկան. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքերում բախվել են «ՎԱԶ-2106» մակնիշի 34MT170 պ/հ (վարորդ՝ Մ. Գ.) և «Վոլկսվագեն» մակնիշի 33OT948 պ/հ (վարորդ՝ Ս. Ա.) ավտոմեքենաները, տուժածներ չկան: Հրշեջ-փրկարարները դադարեցել են գազի արտահոսքը:
Արտակարգ իրավիճակների նախարարություն
