Թուրքիայում պաշտոնատար անձանց գաղտնալսելը համարժեք է լրտեսության. Էրդողան
Թուրքական TRT Haber հեռուստաալիքի փոխանցմամբ՝ Թուրքիայի վարչապետ Ռեջեփ Էրդողանը հայտարարել է, որ Թուրքիայում պաշտոնատար անձանց, ինչպես նաև նրանց ընտանիքների անդամների հեռախոսազրույցները գաղտնալսելը գնահատվում է որպես լրտեսություն:
Էրդողանի խոսքերով՝ Թուրքիայի կառավարությունը ձեռնարկելու է բոլոր հնարավոր միջոցները՝ պարզելու համար այն անձանց ինքնությունը, որոնք ներգրավված են պաշտոնատար անձանց հեռախոսազրույցները գաղտնալսելում:
Խոսելով ԱՄՆ-ում բնակվող իսլամական, հասարակական գործիչ Ֆեթհուլլահ Գյուլենի շարժման մասին՝ Էրդողանն ընդգծել է, որ Թուրքիայում գործում է մի պետհիմնարկ, որի աշխատակիցները մի մասը գտնվում է Գյուլենի կողմնակիցների ազդեցության ներքո:
