Յացենյուկն Ուկրաինայի պաշտպանության նախարարին հանձնարարել է շտապ մեկնել Ղրիմ
Ուկրաինական UNIAN լրատվական գործակալության փոխանցմամբ՝ Ուկրաինայի վարչապետ Արսենի Յացենյուկը Ուկրաինայի առաջին փոխվարչապետ Վիտալի Յարեմային ու պաշտպանության նախարար Իգոր Տենյուխին հանձնարարել է շտապ մեկնել Ղրիմ:
Նրանց հանձնարարված է տեղում անել ամեն անհրաժեշտ բան՝ հանրապետությունում առկա հակամարտության կարգավորման և այն ռազմական փուլին հասնելը կանխելու համար: Այս մասին հայտարարել է ուկրաինացի նախարար Օստապ Սեմերակը: Նա հավելել է, որ Յարեման ու Տենյուխը շուտով կլինեն Ղրիմում:
