Ուկրաինան չի ճանաչում Ղրիմի անկախությունն ու Ռուսաստանի հետ նրա միանալը. ԱԳՆ

Интерфакс-Украина-ի փոխանցմամբ՝ Ուկրաինան չի ճանաչում Ղրիմի ինքնավար հանրապետության ու Սևաստոպոլի միացումը Ռուսաստանի Դաշնությանը, ինչպես նաև ինքնահռչակ «Ղրիմի Հանրապետության» անկախությունը: Այս մասին հայտարարել է Ուկրանայի ԱԳՆ-ը: Վերջինս ընդգծել է, որ չի ճանաչում ու երբեք չի ճանաչելու ո՛չ Ղրիմի անկախությունը, ո՛չ էլ նրա միացումը Ռուսաստանին:

Այսօր Մոսկվայում ստորագրվել է Ղրիմը Ռուսաստանի կազմի մեջ մտնելու մասին պայմանագիրը: Պայմանագրի համաձայն, Ղրիմի Հանրապետությունը Ռուսաստանի կազմի մեջ ընդունված է համարվում համապատասխան պայմանագրի ստորագրումից սկսած: