Թուրքիայի, Ադրբեջանի ու Իրանի արտգործնախարարների հաջորդ հանդիպումը կանցկացվի Իրանում
Ադրբեջանական Trend լրատվական գործակալության փոխանցմամբ՝ այսօր Վանում տեղի է ունեցել Թուրքիայի, Ադրբեջանի ու Իրանի արտգործնախարարներ Ահմեթ Դավութօղլուի, Էլմար Մամեդյարովի ու Մոհամմադ Ջավադ Զարիֆի հանդիպումը:
Հանդիպման արդյունքներով՝ Թուրքիայի արտգործնախարար Ահմեթ Դավութօղլուն հայտարարել է, որ երեք երկրների արտգործնախարարների հերթական եռակողմ հանդիպումն անցկացվելու է Իրանում:
Դավութօղլուի խոսքերով՝ այսօրվա հանդիպման ժամանակ կողմերը քննարկել են Ղարաբաղյան հակամարտության կարգավորման հարցը, Ուկրաինայում և ընդհանրապես տվյալ տարածաշրջանում տիրող իրավիճակը:
Դավութօղլուն հավելել է, որ քննարկվել են նաև Կովկասի, Մերձավոր Արևելքի քաղաքական ու տնտեսական խնդիրները, տարածաշրջանում ՆԱՏՕ-ի ակտիվությունը, Իրանի միջուկային ծրագրի հարցը և այլն:
