20 տարի՝ անօթևան ու հիվանդ (տեսանյութ)
ankyun3.am-ը գրում է. Ալավերդու կենտրոնական՝ Թումանյան փողոցի վրա գտնվող վարչական շենքերից մեկն արդեն 20 տարի է՝ մի մշտական բնակիչ ունի: Ալեստինե Ալվելաձեն կիսով չափ վրացի, կիսով չափ՝ հայ է: Բայց հարազատներ չունի ոչ հայերի, ոչ էլ վրացիների մեջ: Արդեն բազմաթիվ տարիներ ապրում է բարի մարդկանց ողորմածության շնորհիվ միայն: Երկու տարի առաջ ստացել Է «Հայխնայբանկում» ունեցած իր ավանդը: Մինչև 2008 թվականը ընդգրկված է եղել «Փարոս» համակարգում, իսկ դրանից հետո երբևէ չի դիմել կրկին հաշվառվելու համար: Այնինչ սոցիալական կարգավիճակ ունենալու դեպքում կկարողանար օգտվել անվճար բուժօգնությունից, ինչը ներկայում ամենաշատն է անհրաժեշտ նրան:
