Ռուսաստանի զինված ուժերն անշուշտ օժտված են Արևելյան Ուկրաինա ներխուժելու պոտենցիալով. ԿՀՎ
Ամերիկյան The Washington Times պարբերականի փոխանցմամբ՝ ԿՀՎ-ի ղեկավար Ջոն Բրենանը երեկ հայտարաել է, որ անկասկած է, որ Ռուսաստանի զինված ուժերն օժտված են Արևելյան Ուկրաինա ներխուժելու պոտենցիալով և միայն նախագահ Պուտինը գիտի՝ տեղի կունենա՞ նման ներխուժում, թե՞ ոչ:
Բրենանն այս մասին հայտարարել է Վաշինգտոնում՝ Արտաքին հարցերով խորհրդի նիստի ժամանակ: Նա առարկել է կոնգրեսականներին, որոնք ամերիկյան հատուկ ծառայություններին մեղադրել են նրանում, որ նրանք չեն կարողացել կանխատեսել ռուսական ներխուժումը Ղրիմ:
Բրենանի կարծիքով՝ ներկայումս Պուտինն ու մյուսները փորձում են կողմնորոշվել, թե ինչ է պետք իրենց անել և ինչի են պատրաստ իրենք այն դեպքում, երբ միջազգային հանրությունը դատապարտում է Ռուսաստանի քայլերը:
