Յանուկովիչի «ընտանիքի» փողերի «լվացմամբ» զբաղվել է ավելի քան 50 բանկ. Ավակով
UBR.ua-ի փոխանցմամբ՝ Ուկրաինայի ներքին գործերի նախարար Արսեն Ավակովը խոստացել է վերջնականապես վերջ դնել Վիկտոր Յանուկովիչի «ընտանեկան» համակարգի նախահիմքերին:
Ավակովը Facebook-ի իր էջում գրել է, որ «ընտանիքի» (թիմի) փողերի «լվացմամբ» զբաղվել է ավելի քան 50 բանկ: Ավակովը հավելել է, որ այդ հարցը քննարկվելու է վաղվա խորհրդաժողովում՝ ընդգծելով, որ տվյալ գործով արդեն իսկ ակտիվորեն զբաղվում են ՆԳՆ-ը և Ուկրաինայի Ազգային բանկը:
Հիշեցնենք, որ սրանից առաջ բրիտանական Financial Times պարբերականը գրել էր, որ Վիկտոր Յանուկովիչի (իրական) ընտանիքի ունեցվածքը կազմում է 12 միլիարդ դոլար:
