ԱՄՆ-ը կարող է սկսել գազ մատակարարել Ուկրաինային
Ուկրաինական UNIAN լրատվական գործակալության փոխանցմամբ` ԱՄՆ Ներկայացուցիչների պալատի էներգետիկայի հանձնաժողովի անդամները նախօրեին գրանցել են մի օրինագիծ, որը թույլատրում է հեղուկացված գազի արտահանումը Արևելյան Եվրոպայի երկրներ, այդ թվում նաև Ուկրաինա:
Դրա նպատակը ռուսական գազի մատակարարումներից այդ երկրների ունեցած կախվածությունը նվազեցնելն է: Փաստաթղթում նշված է, որ այն երկրների համար, որոնք ազատ առևտրի մասին համաձայնագիր չեն ստորագրել ԱՄՆ-ի հետ, անհրաժեշտ է հավելյալ թույլտվություն` էներգետիկայի նախարարության հետ գործարք կնքելու համար, ինչը կզբաղեցնի երկար ժամանակ:
Հիշեցնենք, որ ռուսական «Գազպրոմը» երեկ սպառնացել է դադարեցնել Ուկրաինային գազի մատակարարումը:
