ՆԱՏՕ-ն վերանայելու է Ռուսաստանի հետ համագործակցության ողջ շրջանակը. Ռասմուսեն
France-Presse լրատվական գործակալության փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենը երեկ ռուսական պատվիրակության հետ հանդիպումից հետո հայտարարել է, որ ՆԱՏՕ-ն վերանայելու է Ռուսաստանի հետ համագործակցության ողջ շրջանակը՝ կապված Ուկրաինայի հանդեպ նրա քաղաքականության հետ:
Ռասմուսենը մանրամասնել է, որ խոսքը մասնավորապես գնում է Սիրիայի քիմիական սպառազինության ոչնչացման հարցում համատեղ առաքելության կասեցման մասին: Ռասմուսենը միաժամանակ հայտարարել է, որ ՆԱՏՕ-ն ակտիվացնելու է իր փոխգործակցությունը Ուկրաինայի իշխանությունների հետ, ընդ որում՝ ինչպես քաղաքացիական, այնպես էլ ռազմական իշխանությունների հետ:
Ի պատասխան՝ ռուս դիվանագետները ՆԱՏՕ-ին մեղադրել են Ռուսաստանի հանդեպ «Սառը պատերազմի» չափորոշիչները կիրառելու մեջ:
