ՀԱՄԱՍ-ը Եգիպտոսին խնդրել է թույլատրել իր գործունեությունը
Ռուսական РИА Новости լրատվական գործակալության փոխանցմամբ՝ Գազայի հատվածում իշխող պաղեստինյան ՀԱՄԱՍ շարժումը Եգիպտոսի իշխանություններին կոչ է արել չեղյալ հայտարարել իր գործունեությունն արգելելու և ակտիվներն առգրավրելու մասին որոշումը:
ՀԱՄԱՍ-ը հայտարարել է, որ այդ որոշումն ուղղված է Պաղեստինի ժողովրդի դեմ և վկայում է արաբական ու իսլամական սկզբունքներից նահանջելու մասին: Նախօրեին եգիպտական դատարանն արգելել էր Եգիպտոսի տարածքում ՀԱՄԱՍ-ի գործունեությունը և որոշել էր բռնագանձել նրա շտաբ-բնակարանն ու ողջ ներկայացուցչությունները:
ՀԱՄԱՍ-ը մեղադրվում է Եգիպտոսի գործերին միջամտելու և «Մուսուլման եղբայրներ» շարժմանն աջակցելու մեջ, որ նախորդ տարի զինվորականների կողմից հեռացվեց իշխանությունից ու արգելվեց:
