Խոդորկովսկի. Ուկրաինայում մենք քաղաքացիական պատերազմի մասնակցության եզրին ենք
ՅՈՒԿՕՍ նավթային ընկերության նախկին ղեկավար Միխայիլ Խոդորկովսկին մեկնաբանել է Ուկրաինայում վերջին օրերի զարգացումները: «Ռուսաստանը կանգնած է Ուկրաինայում քաղաքացիական պատերազմի մասնակցության շեմին, ինչը քաղաքական գործիչների ոչ կոմպետենտ գործողությունների արդյունքն է», -ասվում է գործարարի հայտարարության մեջ, հողորդում է РБК-ն:
Խոդորկովսկու կարծիքով` Ուկրաինիայի գործերին ուժային միջամտությունը կհանգեցնի «բազում ողբերգությունների, այդ թվում՝ միլիոնավոր ռուս-ուկրաինական ընտանիքների համար»: Դա, ըստ նրա, ծանրագույն հետեւանքներ կունենա Ռուսաստանի ներքին եւ միջազգային իրավիճակի առումով:
Խոդորկովսկին կարծիք է հայտնել, որ Ուկրաինայում հակամարտության կասեցմանը կարող է նպաստել այնտեղ «անկախ եւ աշխարհին հայտնի անձանց» ներկայությունը: Նա ինքն անձամբ պատրաստակամություն է հայտնել «ցանկացած պահի ցանկացած պատասխանատու հասարակական ուժի հրավերով մեկնել Ուկրաինայի ցանկացած կետ՝ օգնելու կանխել արյունահեղությունը»: