Եվրամիությունը Ռուսաստանից պահանջում է անհապաղ դուրս բերել զորքերն Ուկրաինայից
INTERFAX-ի փոխանցմամբ` Եվրամիության արտաքին գործերի հարցերով խորհուրդը Ռուսաստանից պահանջել է անհապաղ դուրս բերել զորքերը Ուկրաինայի տարածքից եւ անհապաղ բանակցություններ սկսել Կիեւի հետ: Այս մասին նշվում է Խորհրդի` Ուկրաինայի հարցով ընդունած եզրակացությունների մեջ, հաղորդել է Սլովակիայի արտաքին գործերի նախարար Միրոսլավ Լայչակը:
Նա նշել է, որ ԵՄ խորհրդի եզրակացություններում նաեւ կոչ է արվում Կիեւի ղեկավարությանը «շարունակել ներգրավման քաղաքականությունը, որպեսզի ոչ մի խումբ դուրս չմնա շարունակվող գործընթացներից»:
Դիվանագետը նաեւ տեղեկացրել է, որ Ռուսաստանի նկատմամբ պատժամիջոցների կիրառման հարցը քննարկվում է. «Սեղանի վրա մի քանի տարբերակ է` ներառյալ վիզայի ռեժիմի ազատականացման վերաբերյալ բանակցությունների սառեցումը կամ Սոչիում G8-ի գագաթնաժողովի նախապատրաստման կասեցումը»: