Շտեֆան Ֆյուլեն մեկ օրով հետաձգել է իր վրացական այցը՝ կապված Ուկրաինայի դեպքերի հետ
Ադրբեջանական Trend լրատվական գործակալության փոխանցմամբ՝ ԵՄ-ի ընդլայնման ու հարևանության քաղաքականության հարցերով հանձնակատար Շտեֆան Ֆյուլեն հետաձգել է իր այցը Վրաստան՝ կապված Ուկրաինայի զարգացումների հետ:
Ֆյուլեն պետք է երեքշաբթի ժամաներ Թբիլիսի՝ քննարկելու համար ԵՄ-ի հետ առավել սերտ հարաբերությունների դեպքում Վրաստանի առավելություններն ու հնարավորությունները: Այցի ընթացքում Ֆյուլեն պետք է հանդիպեր Վրաստանի նախագահի, վարչապետի ու խորհրդարանի նախագահի հետ:
Վրաստանում ԵՄ-ի ներկայացուցչությունը հայտնել է, որ Ֆյուլեի վրացական այցը հետաձգվել է մեկ օրում:
