Մեծ Բրիտանիան ուշադիր հետևելու է Ռուսաստանի զինված ուժերի զորավարժության ընթացքին
Բրիտանական Reuters լրատվական գործակալության փոխանցմամբ՝ Մեծ Բրիտանիան մտադիր է ուշադիր հետևել Ռուսաստանի զինված ուժերի զորավարժությանը, որը երկրի նախագահ Վլադիմիր Պուտինի հրամանով մեկնարկել է այսօր:
Այս մասին այսօր հայտարարել է Մեծ Բրիտանիայի պաշտպանության նախարար Ֆիլիպ Համոնդը: Նա անթույլատրելի է համարել Ուկրաինայի ներքին գործերին ռազմական միջամտություն ցուցաբերելը, ինչը վերաբերում է բոլոր երկրներին:
Համոնդը, սակայն չի հայտնել, թե արդյոք հիմքե՞ր ունի պնդելու, որ Ռուսաստանի իշխանությունների այդ որոշումը պետք է դիտարկել որպես ռազմական առումով Ուկրաինա ներխուժելու նախապատրաստություն, թե՞ ոչ:
