Կիևի կենտրոնում բախումների հետևանքով ընդհանուր առմամբ տուժել է «Եվրամայդանի» 30 բժիշկ
Gazeta.ua-ի փոխանցմամբ` Կիևի կենտրոնում` Գրուշևյան փողոցում, ցուցարարների ու ոստիկանության միջև գրանցված բախումների հետևանքով տուժել է «Եվրամայդանի» բժշկական ծառայության մոտ 30 բժիշկ: Այս մասին հայտարարել է Ուկրաինայի Իրավաբանների ասոցիացիայի Բժշկական իրավունքի հանձնաժողովի ղեկավար Ելենա Բեդենկոն:
Բեդենկոյի խոսքերով` բժշկական շտաբի մի շարք աշխատակիցներ ծանր վիճակով դեռ շարունակում են գտնվել հիվանդանոցներում: Միևնույն ժամանակ Ուկրաինայի առողջապահության նախարար Ռաիսա Բոգատիրևան հայտարարել է, որ իրեն հայտնի չէ Կիևի կենտրոնում բժիշկներին ծեծի ենթարկելը:
