Դավութօղլուն մեկնել է Գերմանիա
Թուրքական TRT Haber հեռուստաալիքի փոխանցմամբ` Թուրքիայի արտգործնախարար Ահմեթ Դավութօղլուն մեկնել է Գերմանիա` մասնակցելու համար Մյունխենի անվտանգության կոնֆերանսին: Նշվում է, որ Դավութօղլուն Գերմանիա է մեկնել Եթովպիայից:
Այս տարի Մյունխենի անվտանգության կոնֆերանսին մասնակցում են պետական բազմաթիվ գործիչներ, քաղաքական գործիչներ, անվտանգության հարցերով միջազգային փորձագետներ: 50-րդ միջազգային կոնֆերանսի ժամանակ քննարկվելու են կիբերանվտանգության, անդրատլանտյան հարաբերությունների, էներգետիկ անվտանգության հարցերը:
Բացի այդ, քննարկվելու են Սիրիայի, Իրանի, Կոսովոյի ու մերձավորարևելյան կարգավորման հարցերը: Դավութօղլուն փետրվարի 2-ին ելույթ է ունենալու կոնֆերանսի շրջանակներում անցկացվելիք «Մերձավոր Արևելքի ապագան» խորագրով սեմինարում:
