Ազատամարտիկները ցանկանում են համախմբվել իշխանափոխության գաղափարի շուրջ
Փետրվարի 2-ին ազատամարտիկ, «Սասուն» ջոկատի հրամանատար Սասուն Միքայելյանն ազատամարտիկների հավաք է հրավիրել, որի նպատակը նոր հասարակական կազմակերպության ստեղծումն է: Այն պայմանականորեն կարող է կոչվել «Ազատամարտիկների միություն»: Այս հավաքին հրավիրված են ինչպես` ոչ կուսակցական, այնպես էլ` տարբեր կուսակցություններին անդամակցող ազատամարտիկներ:
Սասուն Միքայելյանի նպատակն իշխանափոխություն իրականացնելն է, և նա մտադիր է կոչ անել ազատամարտիկներին` համախմբվել այդ կազմակերպությունում՝ իշխանափոխություն իրականացնելու համար:
Նախկինում ազատամարտիկների բազմաթիվ համախմբման փորձեր են եղել և յուրաքանչյուր անգամ պարզվել է, որ նրանց մի տեղում համախմբելն անհնար է. չափազանց մեծ են յուրաքանչյուրի ամբիցիաները: Ամբիցիաները բավարարելու համար հնարավոր է, որ այս կառույցն ունենա ոչ թե մեկ նախագահ, այլ մի քանի համանախագահներ: Բացի Սասուն Միքայելյանից, որպես ապագա համանախագահ` նշվում է նաև Մուշեղ Սաղաթելյանի անունը:
Մանրամասները՝ «168 Ժամ» թերթի տպագիր համարում:
