Ախթալա քաղաքում երկհարկանի բնակելի շինություն է այրվել
Ժամը 20:08-ին ԼՄՓՎ ՃԿԿ ստացվել է ահազանգ այն մասին, որ հրդեհ է բռնկվել Ախթալա քաղաքի Սպանդարյան փողոցի թիվ 17 հասցեի 8×10 չափերի երկհարկանի բնակելի շինությունում: Դեպքի վայր է մեկնել Թումանյանի ՀՓՋ-ից երկու մարտական հաշվարկ, որոնք հասել են ժամը 20:50-ին:
Հրդեհի բարդության և ծավալի մեծության պատճառով դեպքի վայր են ուղարկվում ևս մեկական հաշվարկներ Թումանյանի ՀՓՋ-ից և Վանաձորի թիվ 1 ՀՓՋ-ից, հետագայում Վանաձորի թիվ 1 ՀՓՋ-ի մեքենան ճանապարհից հետ է կանչվում: Հրշեջներին հաջողվել է ժամը 22:51-ին արագ մեկուսացնել հրդեհը, մարվել է 02:00-ին:
Այրվել է շինության 2-րդ հարկի տանիքը ամբողջությամբ, բնակելի հատվածից մոտ 60 քառ.մետր իր գույքով և առաջին հարկի գույքն ամբողջությամբ: Բնակելի երկհարկանի շինությունում բնակվում էին Վրեժ Ամիրջանյանի և Վալոդյա Մելիքսեթյանի ընտանիքները: Զոհեր և վիրավորներ չկան:
