Իրանի փոխնախագահ Ալի Նաջաֆին հրաժարական է տվել
Իրանի փոխնախագահ Ալի Նաջաֆին հրաժարական է ներկայացրել, հաղորդում է իրանական ԻՌՆԱ գործակալությունը: Նշվում է, որ նախագահ Հասան Ռոուհանին ընդունել է նրա հրաժարականը ու արդեն նշանակել իր խորհրդականի պաշտոնում:
Իրանական լրատվամիջոցները փոխնախագահի հրաժարականը կապում են նրա առողջական վիճակի հետ, իսկ անձամբ Նաջաֆին առայժմ պատճառները չի հայտնում:
«Մեհր» գործակալության փոխանցմամբ, նրա փոխարեն արդեն փոխնախագահի պաշտոնում է նշանակվել Մասուդ Սոլթանիֆարը, ով երկրի մի շարք մարզերի գլխավոր նահանգապետն էր:
