Կստեղծվեն եւս 6 մասնավոր մեքենատրակտորային կայաններ
karabakh-open.info-ն գրում է. Գյուղտեխնիկայի ձեռքբերման, ինչպես նաեւ դրանց վերանորոգման նպատակով հիմնադրամը 0% տոկոսադրույքով եւ 6% տոկոսադրույքով տրամադրել է 79 միլիոն 270 հազար դրամի փոխառություններ: Այս մասին երեկ հրավիրած մամուլի ասուլիսի ժամանակ հայտարարել է ԼՂՀ գյուղի եւ գյուղատնտեսության աջակցության հիմնադրամի գործադիր տնօրեն Աշոտ Բախշիյանը, ով ամփոփել է անցած տարվա արդյունքները։
Նրա փոխանցմամբ՝ սեպտեմբեր ամսում արտասահմանից ներկրվել են բելառուսական մակնիշի 20 տրակտորներ եւ լիզինգի կարգով տրամադրվել հանրապետության հողօգտագործողներին ու ֆերմերներին:
Հիմնադրամը մատուցվող գյուղատնտեսական մեքենայացված ծառայությունների արդյունավետության բարձրացմանն նպատակով տարվա ընթացքում իրականացվել է 1 միլիարդ շուրջ 170. 8 մլն դրամի աջակցություն:
2013 թվականին հիմնադրամի աջակցության շնորհիվ կյանքի կոչվեց մասնավոր մեքենատրակտորային կայաններ ստեղծելու ծրագիրը, որի արդյունքում տարվա ընթացքում ստեղծվեցին 5 մասնավոր մեքենատրակտորային կայաններ, որից 2-ական` Մարտակերտի եւ Մարտունու, իսկ 1-ը` Ասկերանի շրջաններում։
Աշոտ Բախշիյանի հավաստմամբ՝ ընթացքի մեջ է եւս 6 մեքենատրակտորային կայանների ստեղծման գործընթացը. հայտերը քննարկման փուլում են եւ այժմ հայտնի չէ, թե որ շրջաններում կստեղծվեն դրանք
