Մեկնարկել է ՎՍՀԴԿ համագումարը
Այս պահին Վանաձորում տեղի է ունենում ՍԴՀԿ այլևս նախկին անդամների կողմից նախաձեռնած նոր կուսակցական՝ «Վերակազմյալ Սոցիալ-Դեմոկրատ Հնչակյան Կուսակցություն» հիմնադիր համագումարը: Ինչպես հայտնի է՝ Վճռաբեկ դատարանը 2013թ. նոյեմբերին մերժել էր ԱԺ ՀԱԿ խմբակցության պատգամավոր Լյուդմիլա Սարգսյանի հայցն ընդդեմ ՍԴՀԿ գործող ատենապետ Գևորգ Պերկուպեկյանի, որով պահանջվում էր չեղյալ համարել որոշումը, թե 8-րդ համագումարի ժամանակ կուսակցության ատենապետ է ընտրվել Գևորգ Պերկուպեկյանը:
Այսօր արդեն Լյուդմիլա Սարգսյանը և նախկին ՍԴՀԿ-ականները Վանաձորում կուսակցության հիմնի և ՀՀ օրհներգի ներքո անցկացնում են ՎՍԴՀԿ համագումարը: ՎՍԴՀԿ համագումարն անցկացվում է Վանաձորում «տհաճ անակնկալներից» խուսափելու համար: Լյուդմիլա Սարգսյանը հայտարարել էր, թե չի բացառում, որ իրենց Երևանում կմերժեին դահլիճ տրամադրել: Ավելի ուշ կուսակցությունը կընտրի ղեկավար կազմ:
