Տուն մտած գողին բռնել է հարևանը
Հունվարի 18-ին, ժամը 20.05-ին, ոստիկանության Էրեբունու բաժնում հաղորդում է ստացվել, որ Աթոյան-Ռոստովյան խաչմերուկում գողի են բռնել:
Մեկնած օպերատիվ խումբը բերման է ենթարկել 1973 թ. ծնված, նախկինում 6 անգամ դատապարտված Իսահակ Ա.-ին:
Պարզվել է, որ նա նույն օրը, ժամը 20.00-ին, անցնելով տներից մեկի քարե պարսպի վրայով` բարձրացել է 2-րդ հարկի պատշգամբ, բացել դուռը և փորձել գողություն կատարել, սակայն նրան նկատել է հարևանը, ինչից հետո Իսահակ Ա.-ն ոչինչ չգողանալով` դիմել է փախուստի և բռնվել հարևանի կողմից:
Իսահակ Ա.-ն ձերբակալված է:
Կատարվում է նախաքննություն:
ՀՀ Ոստիկանություն
