Այսօր վաղ առավոտյան մահացած զինվորը 1 շաբաթ առաջ էր զինվորագրվել
Վաղ առավոտյան Վաղարշապատի հիվանդանոցում մահացած ՀՀ ՊՆ N զորամասի պարտադիր ժամկետային զինծառայող Էդիկ Լյովայի Շահնազարյանը Տավուշի մարզի Կոթի գյուղից էր: Բանակ զորակոչվել էր հունվարի 13-ին Նոյեմբերյանի զինկոմիսարիատից: Ծառայության է անցել Էջմիածնի N զորամասում:
Կոթիի գյուղապետ Ֆելիքս Մելիքյանը «Առաջին լրատվական»-ի հետ զրույցում նշել է, որ ամբողջ գյուղը ցնցված է: Գյուղապետին նույնպես փոխանցել են, որ հիվանդության պատճառով է մահացել ընդամենը մեկ շաբաթ ծառայած զինվորը:
«Առողջական վիճակի մասին մանրամասներ չգիտեմ, բայց որքան տեղեկացված եմ, նա առողջական խնդիրներ չուներ: Ասում են՝ հիվանդության հետևանքով է մահացել, շատ արագ սրացել է հիվանդությունը, բայց ուրիշ ոչ մի բան»,- ասել է նա՝ հավելելով, որ չգիտի, թե ինչ հիվանդության:
Մանրամասները այստեղ`
