Երևանում վթարային շենքի պատից քարեր են թափվում
Հունվարի 17-ին, ժամը 20.53-ին ահազանգ է ստացվել, որ Երևանի Սիսակյան փողոցի թիվ 3 շենքի 3-րդ հարկի արտաքին պատից քարեր են թափվում:
Պարզվել է, որ 1970-72թթ. կառուցված 5 հարկանի շենքը (ունի երկու մուտք, 126 բնակարան) 2003թ-ից համարվում է 4-րդ կարգի վթարային աստիճանի շինություն, 1-3 հարկերի սանհանգույցներում առկա է կոյուղագծերի և ջրագծերի վթար ( ինչն առավոտյան մասնակիորոն վերացվել է կոմունալ բաժնի աշխատակիցների կողմից), սանհանգույցների առաստաղներից և պատերից պոկված են բետոնի կտորներ, պարբերաբար պոկվում են շենքի արտաքին երեսպատման տուֆե սալիկները:
Դեպքի վայրում են գտնվել ՃԿԿ պետ-ՕԿՎ պետի տեղակալը և Աջափնյակի թաղապետարանի բնակչության և կոմունալ բաժնի առաջատար մասնագետը:
Արտակարգ իրավիճակների նախարարություն
