Քաղաքացիների հերթեր՝ Թումանյանի անձնագրային բաժանմունքում (տեսանյութ)
ankyun3.am-ը գրում է. Բոլոր այն չափահաս քաղաքացիներն, ում անձնագրի վավերականության ժամկետը լրացած է, 2014 թվականի հունվարից նախկին նմուշի անձնագրերի փոխարեն ստանում են նույնականացման քարտ՝ վճարելով 3000 դրամ գումար:
Հայաստանում այսօր 91 հազար քաղաքացի ունի նույնականացման քարտ, իսկ 4500-ից ավելին՝ կենսաչափական անձնագիր։ Նույնականացման քարտը նախատեսվում է Հայաստանի Հանրապետության տարածքում օգտագործելու համար` որպես քաղաքացիական շրջանառության բոլոր բնագավառներում անձի ինքնությունը և քաղաքացիությունը հավաստող հիմնական փաստաթուղթ: Նույնականացման քարտն իր մեջ պարունակում է էլեկտրոնային ստորագրություն, որի շնորհիվ քաղաքացին կարող է համակարգչի միջոցով կատարել գործարքներ:
