Արտակարգ դեպք Լոռու մարզում. Գետնի վրա առաջացել են ծալքավորումներ
Հունվարի 13-ին, ժամը 13.23-ին տեղեկատվություն է ստացվել, որ Լոռու մարզի Վանաձոր քաղաքի Ն. Ստեփանյան փողոցի թիվ 2ա հասցեում գտնվող «Լոռի-ջրմուղկոյուղի» ՓԲԸ-ի վարչական տարածքում գետնի վրա առաջացել են ծալքավորումներ. անհրաժեշտ է օգնություն:
Դեպքի վայր են մեկնել ՄՃԿԿ օպերատիվ խումբը և «Սեյսմիկ պաշտպանության հյուսիսային ծառայություն» ՊՈԱԿ-ի «Վանաձոր» համալիր կայանի տնօրենը:
Ուսումնասիրության արդյունքում պարզվել է, որ ծալքավորումներն ընկերության տարածքում են և լոկալ սողանքի հետևանք են. ներկայումս շենք-շինություններին վտանգ չի սպառնում:
«Լոռի-ջրմուղկոյուղի» ՓԲԸ-ի աշխատակիցների կողմից սահմանված է հսկողություն:
ՀՀ Արտակարգ իրավիճակների նախարարություն
