Ով կփոխարինի Մազմանյանին. Թատերականում բաց մրցույթ կհայտարարվի

Երևանի թատրոնի և կինոյի պետական ինստիտուտի նոր ռեկտորը կընտրվի Կրթության եւ գիտության նախարարության կողմից նախապես հայտարարված բաց մրցույթի միջոցով։

Ինչպես փոխանցում է a1plus.am-ը, մրցույթը դեռ չի հայտարարվել՝ հաշվի առնելով , որ ինստիտուտի նախկին ռեկտոր Արմեն Մազմանյանը վախճանվել է մի քանի օր առաջ։

Ռեկտորի թափուր պաշտոնի մրցույթին կարող են մասնակցել Հայաստանի Հանրապետության այն քաղաքացիները, ովքեր ունեն գիտությունների դոկտորի աստիճան և պրոֆեսորի գիտական կոչում և առնվազն երեք տարվա ղեկավար աշխատանքի փորձ: