Ոստիկանությունը հաստատել է Հենրիկ Նավասարդյանի որդու մասնակցությամբ միջադեպը
ՀՀ Ոստիկանության տեղեկատվության և հասարակայնության հետ կապերի վարչությունից «Փաստինֆո»-ի հարցին ի պատասխան հաստատել են տեղեկություններն այն մասին, որ երեկ` հունվարի 11-ին, Երեւանի Գնունի փողոցի շինանյութի շուկայում Երևանի քաղաքապետարանի տրանսպորտի վարչության պետ Հենրիկ Նավասրադյանի որդին` Դավիթ Նավասարդյանը վիճաբանել է մեկ այլ անձի հետ:
Ոստիկանությունից հաստատել են նաև, որ Դ.Նավասարդյանին պատկանող «Պորշ կայեն» մակնիշի ավտոմեքենայի միջից հայտնաբերվել է թմրանյութ հիշեցնող զանգված:
«Մեքենայի զննությամբ հայտնաբերվել է դեղնականաչավուն զանգված»,- հայտնել են Ոստիկանության տեղեկատվության և հասարակայնության հետ կապերի վարչությունից, հավելելով, թե ինչ է իրենից ներկայացնում հիշյալ զանգվածը, պարզ կդառնա միայն փորձաքննության ավարտից հետո:
Ամբողջությամբ կարող եք կարդալ սկզբնաղբյուր կայքում:
