Պատերազմի հայեցակարգը հնացել է փոխկապակցված աշխարհում. Դալայ լամա
Ռուսական РИА Новости լրատվական գործակալությանը տված հարցազրույցի ժամանակ Դալայ լամա Տենզին Գյացոն հայտարարել է, որ պատերազմի հայեցակարգը հնացել է, քանի որ աշխարհը գնալով դառնում է ավելի փոխկապակցված: Դալայ լաման ընդգծել է, որ իրենք, ոչնչացնելով «հակառակորդին», անխուսափելիորեն ոչնչացնում է իրենք իրենց.
«Պատերազմները հազարամյակների ընթացքում եղել են մարդու պատմության մասնիկը: Պատերազմի հիմքում ընկած է մարդկանցի յուրայինի ու օտարի տարանջատելը, այն սխալ կարծիքը, որ հաղթել կարելի է` միայն հակառակորդին պարտության մատնելով: Սակայն ներկայումս իրավիճակը փոխվել է, մեր աշխարհը գնալով դառնում է ավելի փոխկապակցված:
Դրա համար էլ մենք, ոչնչացնելով հակառակորդին, անխուսափելիորեն ոչնչացնում ենք ինքներս մեզ: Այդպիսով, հնացել է պատերազմի հայեցակարգը: Մենք կարող ենք փոխել աշխարհը` հենվելով ոչ թե բռնի ուղու, այլ` մարդկանց բարի կամքի վրա: Եթե մենք սկսենք հարգել հարևաններին և մյուս բոլոր անձանց, ապա այլևս չեն լինի պատերազմներ:
Չնայած մենք բոլորս ունենք կրոնական տարբեր համոզմունքներ, տարբեր գաղափարախոսություններ, պետական տարբեր համակարգեր` այնուամենայնիվ, մենք հանդիսանում ենք միջազգային հանրության մասնիկը: Իսկ դա նշանակում է, որ պետք է լրջորեն մտածել այլոց բարօրության մասին»:
