Հունվարին կանցկացվի Հայաստանի քաղաքացիական հասարակության համագումարը
Հայաստանի քաղաքագետների միության (ՀՔՄ) մամուլի քարտուղարությունից հայտնում են, որ դեկտեմբերի 28-ին ՀՔՄ-ում տեղի է ունեցել Հայաստանի քաղաքացիական հասարակության համագումարի նախաձեռնող խմբի անդրանիկ նիստը, որին մասնակցել են ՀՔՄ-ի, «Սարդարապատ» շարժման, ազատամարտի դաշտային հրամանատարների խորհրդի, Հայ դատի խորհրդի, Ազգային լիգայի ներկայացուցիչները, անհատ քաղաքացիական ակտիվիստներ և փորձագետներ:
Որոշվել է համագումարը գումարել հունվարին: «Տեղեկացնումենք, որ քննարկումների ավարտից հետո ՀՔՄ շքամուտքը վայրենիաբար ավերվեց, ինչը ի վիճակի չեղավ կանխել ՀՔՄ ժամանած Մարդու Իրավունքների պաշտպանի գրասենյակի արագ արձագանքման խումբը, որին քանդողները նույնիսկ չբարեհաճեցին ներկայացնել որևէ պաշտոնական թույլտվություն»,-նշվում է հաղորդագրության մեջ:
«Նրանց լկտի գործողությունները, ինչպես նաև քաղաքապետարանի կողմից որևէ ձևով դրանց չարձագանքելը, որևէ պաշտոնական փաստաթուղտ տասը տարվա վաղեմության կառույցի քանդման թույլտվության վերաբերյալ չներկայացնելը, ակնհայտորեն ցույց են տալիս, որ այդ բարբարոսության «դաբրոն» տրվել է իշխանական բուրգի ամենավերևից՝ անձամբ Սերժ Սարգսյանից», – ասվում է հաղորդագրության մեջ:
