Եգիպտոսում կալանավորվել է Մուրսիի 148 կողմնակից
France-Presse լրատվական գործակալության փոխանցմամբ` եգիպտական մի շարք քաղաքներում երեկ կազմակերպված բողոքի ակցիաների ցրման ժամանակ կալանավորվել է 148 մարդ, որոնք հանդիսանում են նախկին նախագահ Մոհամմեդ Մուրսիի կողմնակիցներ:
Ոստիկանության հետ բախումների հետևանքով երեկ զոհվել է առնվազն երկու մարդ, որոնցից մեկը` Մինյա նահանգում, իսկ մյուսը` Կահիրեում: Բախման ժամանակ ցուցարարները քարեր են նետել ոստիկանների վրա, իսկ վերջիններս պատասխանել են արցունքաբեր գազի կիրառմամբ:
Ոստիկանությունը նախկին առաջնորդի կողմնակիցների բոլոր ակցիաները սկսել է կանխել այն բանից հետո, ինչ Մուրսիին աջակցող «Մուսուլման եղբայրներ» շարժումն այս տարվա դեկտեմբերի 24-ին հայտարարվեց ահաբեկչական կազմակերպություն, ինչը տեղի ունեցավ Մանսուր քաղաքում տեղի ունեցած ահաբեկչությունից ժամեր անց:
