Ուժգին պայթյուն Բեյրութում
Թուրքական Anadolu լրատվական գործակալության փոխանցմամբ՝ Լիբանանի մայրաքաղաք Բեյրութում այսօր ուժգին պայթյուն է գրանցվել: Բեյրութի արևմտյան Այն էլ-Մըրեյսե թաղամասում պայթեցվել է ռումբով բեռնված ավտոմեքենա:
Պայթյունի հետևանքով հրդեհ է բռնկվել, որը վնասել է բազմաթիվ ավտոմեքենաներ: Նշվում է, որ տվյալ շրջանում կամ նրան մոտ են գտնվում Ներգաղթյալների նախարարությունը, հասարակական շենքեր, հյուրանոցներ ու առևտրի կենտրոններ:
Նախնական տվյալներով՝ կան զոհեր ու վիրավորներ: Պայթյունից հետո դեպքի վայր են ժամանել մեծ թվով հրշեջ ու շտապօգնության մեքենաներ:
