ԱՄՆ գործող Կոնգրեսը վատագույնն է երկրի ողջ պատմության մեջ. սոցհարցում
ԱՄՆ բնակիչների 2/3-ը դժգոհ է օրենսդիրների ներկայիս գործունեությունից եւ Կոնգրեսի ներկայիս կազմը համարում է «պատմության մեջ ամենավատը»: Այս մասին են վկայում CNN –ի եւ հետազոտական ORC ընկերության հարցման արդյունքները:
Նշվում է, որ Կոնգրեսի աշխատանքից դժգոհ են ինչպես Հանրապետական, այնպես էլ Դեմոկրատական կուսակցությունների ներկայացուցիչները: Կոնգրեսի գործունեությունը հատկապես բացասաբար են գնահատել ավագ սերնդի ներկայացուցիչները, որոնք «համեմատելու բան ունեն»:
Հարցվածների 73%-ը կարծում է, որ ներկայիս Կոնգրեսը ոչինչ չի արել` երկրի առջեւ ծառացած խնդիրները լուծելու համար:
