Նուռը հակաքաղցկեղային նշանակություն ունի
Դիետոլոգները խորհուրդ են տալիս նուռ շատ օգտագործել: Նուռը հարուստ է հակաօքսիդանտներով, հետեւաբար` օգտակար է առողջության համար, հաղորդում է Meddaily-ին: Հայտնի է, որ նռան հյութը պաշտպանում է սրտի նոպայից եւ գլխուղեղի կաթվածից: Մասնավորապես` նուռը պաշտպանում եւ կանխում է անոթների խցանումները: Բացի այդ, այն նաեւ նորմայի մեջ է պահում շաքարի եւ խոլեստերինի մակարդակը: Նուռը բարձր կալորիականություն չունի, այն խոլեստերին եւ ճարպեր չի պարունակում: Մի շարք հետազոտություններ անգամ ապացուցել են, որ նուռը ոչնչացնում է կրծքագեղձի քաղցկեղի բջիջները, իսկ հյութը վերցնում է ազատ ռադիկալները, արգելակում է ուռուցքի առաջացումը:
Նուռն օգտակար է նաեւ հիպերտոնիայով տառապող մարդկանց համար: Այն նպաստում է նաեւ մաշկի շերտերում բջիջների ռեգեներացիային, արագացնում է վերքերի ապաքինումը, կանխում է մաշկի վրա մուգ կետերի առաջացումը:
