Վրաստանում Ստալինի արձանը կանգնեցնելը կհանգեցնի 1000 լարի տուգանքի
Грузия Online-ի փոխանցմամբ՝ Վրաստանի տարածքում՝ հասարակական վայրերում, ասենք Իոսիֆ Ստալինի հուշարձանի տեղակայման համար նախ զգուշացնելու են, ապա պատժելու են 1000 լարի (մոտ 580 դոլար) տուգանքով:
Նույնը վերաբերում է համապատասխան որոշման առկայության դեպքում Ստալինի արձանը չապամոնտաժելու կամ ապամոնտաժմանը խոչընդոտելու դեպքում: Համապատասխան ուղղումները Վրաստանի խորհրդարանը կատարելու է «Ազատության խարտիայում»: Ուղղումների հեղինակներն են Լևան Բերձենիշվիլին ու Թամար Կորձայան:
Հարցը չի վերաբերում միայն Ստալինի հուշարձաններին ու կիսանդրիներին, այն վերաբերում է նաև բոլոր կոնկրետ կամ վերացական սուբյեկտներին, որոնք ունեն կոմունիստական ու ֆաշիստական պաշտամունքային ու քարոզչական խորհրդանիշներ:
