Ադրբեջանի պաշտպանության նախարարն այսօր մեկնում է Թուրքիա
Ադրբեջանական APA լրատվական գործակալության փոխանցմամբ՝ մեկնարկում է Ադրբեջանի պաշտպանության նախարար, գեներալ-գնդապետ Զաքիր Հասանովի գլխավորած պատվիրակության թուրքական այցը:
Հասանովը նախ կայցելի Անկարայում գտնվող Աթաթուրքի դամբարան (Անըթքաբիր), ինչից հետո հանդիպելու է Թուրքիայի պաշտպանության նախարար Իսմեթ Յըլմազի ու Թուրքիայի զնված ուժերի Գլխավոր շտաբի պետ, բանակի գեներալ Նեջդեթ Օզելի հետ:
Հասանովին այսօր ընդունելու է նաև Թուրքիայի նախագահ Աբդուլլահ Գյուլը: Իր երկօրյա թուրքական այցի շրջանակներում Հասանովը հանդիպումներ է ունենալու ռազմական տարբեր կառույցներում: Հասանովը նաև այցելելու է թուրքական ռազմական արդյունաբերության TAİ և ASELSAN առաջատար ընկերություններ:
