Խոդորկովսկին իր ազատ արձակվելու մասին տեղեկացել է լուրերից
ՅՈՒԿՕՍ-ի նախկին ղեկավար Միխայիլ Խոդորկովսկին «Дождь» հեռուստաալիքին տված հարցազրույցում ասել է, որ իրեն ներում շնորհելու մասին իմացել է լուրերից:
«Երբ ես լսեցի նախագահի ելույթը հեռուստատեսությամբ, հասկացա, որ Վլադիմիր Վլադիմիրովիչը խոսում է արդեն կատարված փաստի մասին. ես արդեն բավականին երկար ժամանակ է, ինչ հետեւում եմ մեր նախագահին, եւ ինձ համար դա ակնհայտ էր»,- ասել է Խոդորկովսկին:
Նա նշել է, որ Պուտինի ասուլիսից անմիջապես հետո գնացել է իրերը հավաքելու, քանի որ ենթադրում էր, որ իրեն ազատ կարձակեն մեկ օրվա ընթացքում:
Խոդորկովսկին, ի դեպ, այսօր Բեռլինում միջազգային լրատվամիջոցների համար հանդես կգա մամուլի ասուլիսով:
