Իլհամ Ալիևը նախիջևանյան նորաստեղծ բանակի հրամանատարին նշանակել է պաշտպանության փոխնախարար
Haqqin.az պորտալի փոխանցմամբ՝ Ադրբեջանի նախագահ Իլհամ Ալիևն այսօր նախիջևանյան բանակի հրամանատար Քերեմ Մուսթաֆաևին նշանակել է Ադրբեջանի պաշտպանության փոխանախարարի պաշտոնում: Այս մասին հայտնում է նախագահի պաշտոնական կայքը:
Նախագահի մեկ այլ հրամանով՝ նշանակվել է ևս մեկ փոխնախարար. գեներալ-մայոր Գորհմազ Գարաևը կատարելու է ՊՆ-ի նյութա-տեխնիկական ապահովման Գլխավոր վարչության պետի գործառույթները:
Հիշեցնենք, որ Իլհամ Ալիևի երեկվա հրամանով՝ Նախիջևանում տեղակայված 5-րդ բանակային կորպուսի հիման վրա ստեղծվել է առանձին համազորային բանակ, որի հրամանատար է նշանակվել գեներալ-լեյտենանտ Մուսթաֆաևը:
