Պուտինն անարդյունավետ է համարում ԱՄՆ-ի կողմից Իրանի հանդեպ նոր պատժամիջոցներ սահմանելը
Ռուսական ИТАР-ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը լրագրողների հետ զրույցում հայտարարել է, որ հակաարդյունավետ է համարում Իրանի դեմ ԱՄՆ-ի կողմից նոր պատժամիջոցներ սահմանելը, սակայն հուսով է, որ Իրանի միջուկային ծրագրի կարգավորման գործընթացում կգրանցվի առաջընթաց:
Պուտինն ընդգծել է, որ նոր պատժամիջոցներ սահմանելը չի հանգեցնի որևէ լավ բանի՝ կապված խնդրի կարգավորման հետ: Պուտինը հավելել է, որ դեռ չգիտի, թե երբ կայցելի Իրան, սակայն խոստացել է օգտվել ստացած հրավերից:
Անդրադառնալով Իրանի վերաբերյալ ԱՄՆ նախագահ Բարաք Օբամայի վերջին կոշտ հայտարարություններին՝ Պուտինը նշել է, որ դա վկայում է այն մասին, որ Վաշինգտոնը հետքայլ է կատարում Իրանի միջուկային ծրագրի շուրջ ձեռք բերված պայմանավորվածությունից:
