Ռուսաստանը կարող է Վրաստանի համար վերացնել վիզային ռեժիմը. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն այսօր Մոսկվայում լրագրողների հետ զրույցում հայտարարել է, որ Մոսկվան լիովին կարող է գնալ Վրաստանի հետ վիզային ռեժիմի վերացման քայլին:
Պուտինի խոսքերով՝ անհրաժեշտ է այդ հարցը հետազոտել փորձագիտական մակարդակի վրա. «Հասկանալով Վրաստանում իրավիճակի զարգացումը՝ ես կարծում եմ, որ մենք լիովին կարող ենք վերադարձ կատարել ոչ վիզային ռեժիմին: Պետք է փորձագետների մակարդակով խորհել այդ մասին:
Ես կարծում եմ, որ դա կլինի շատ լավ քայլ՝ երկու երկրների միջև հարաբերությունների կարգավորման համար՝ նկատի ունենալով այն, որ դա մարդկանց կօգնի շփվել միմյանց հետ, կօգնի ռուսական ձեռնարկություններին աշխատել ռուսական շուկայում»:
Հիշեցնենք, որ Ռուսաստանի արտգործնախարար Սերգեյ Լավրովը երեկ հայտարարել է, որ իրենք դեռ պատրաստ չեն Վրաստանի քաղաքացիների համար վերացնել վիզային ռեժիմը:
